Македонски наставници ќе учествуваат на глобалниот образовен форум Global Educator Exchange

Март 31, 2015 во 16:00 ч. | Posted in Uncategorized | Напишете коментар

Македонски наставници ќе земат учество на глобалниот светски образовен форум на Мајкрософт во Вашингтонmicrosoft-nastavnici-nastan

Новите технологии можат многу да помогнат во образовниот процес.

Образованието е една од клучните алки во развојот и подобрувањето на општествениот статус на секоја индивидуа, а тука улогата на наставниците е несомнено голема, во правилното насочување на младите и во нивното мотивирање. А доколку имаме мотивирани професори кои ги користат придобивките на новите технологии, тогаш со сигурност можеме да очекуваме иновативни и креативни идеи, и ученици со силна желба за учење.

Со цел надградување на знаењата и стекнување нови искуства  македонските наставници Славица Карбева и Марија Петреска на специјална покана од Мајкрософт ќе земат учество на глобалниот светски образовен форум Global Educator Exchange кој во период од 28 април до 1 мај ќе се одржи во седиштето на Мајкрософт во Редмонд, Вашингтон. Станува збор за наставниците кои успеале на иновативен и современ начин да ја инкорпорираат едукативната пракса, иновативните технологии и вештини на 21 век во средината каде учат и работат учениците, и да им го пренесат знаењето на децата, да поттикнат нивна партиципација и активно вклучување во едукацијата.

Посетата  е во рамките на програмата Microsoft Expert Educator која е дел и од неодамна потпишаниот меморандум за соработка меѓу Мајкрософт и Министерството за Информатичко Општество и Администрација, а со кој се обезбедува поголем пристап во програмите, ресурсите и технолошките алатки кои се дел од глобалните иницијативи на  Мајкрософт.

Горди сме на нашите наставници кои покажаа исклучителна иновативност  и очекуваме да не претстават во најдобро светло на глобалниот светски образовен форум во Вашингтон. Нашите залагања и соработка со овие наставници продолжува понатаму и во план е тие да бидат ангажирани во „ Expert educators“ програмата која е активна во текот на целата година и има за цел да отвори можности за професионален развој на професорите, интерактивни работни сесии и излагања на индустриски експерти, како и демонстрација и запознавање со најновите технологии. Ова нивно искуство ќе биде применето во рамките на македонскиот едукативeн процес преку организирани обуки и конференции на кои и останатите наставници од Макеоднија ќе имаат можност одблизу да се запознаат со совремните пракси во образованието и ќе им послужат како инспирација во нивата работа“ изјави Влора Адеми, Business Development Manager – Education во Мајкрософт,.

Марија Петреска од основното училиште Христо Узунов Другово, Кичево која заедно со своите ученици од 7  8 одделение во PowerPoint креираа интерактивни инфографици кои за да бидат интерактивни и да одговараат на сите типови на  учење се поврзуваат со програмите Soundcloud (аудитивен тип), Office Mix (визуелен), OneNote (солитарен, социјален ) и Skype in the classroom (вербален). Учениците рачно направија клипарт и позадини и сами осмислија приказните. Инфографиците се достапни на сите платформи што значи дека сега учениците можат да учат и на своите паметни телефони, што и беше идејата на овој проект, како да се задржи вниманието на учениците на мобилен телефон. Линк до веб страната на проектот http://infographing.weebly.com/

Професорката по математика Славица Карбева Стојковиќ од ООУ Петре Поп Арсов, Богомила во Редмонд ќе го презентира проектот Малите детективи, кој има за цел да им помогне на учениците при вработување. Проектот Малите детективи се стреми училницата да ја пренесе во животната заедница полна со различни професии.  Учениците и без претходно искуство, препорака и време, имаат можност да стекнат повеќе знаења, и да станат детективи, дизајнери, истражувачи на природата, трговци, програмери, наставници, актери, конструктори… Преку истражување, со активно користење на технологијата, децата решаваат  реални проблеми, дизајнираат иновативни решенија и притоа развиваат вештини потребни за идната работа. Како уникатен наставен метод се користи методот на Истрага.  Повеќе деталите за проект има на www.littledetectives.com и на https://www.educatornetwork.com/Resources/LearningActivities/Details/3acf0628-a863-4ecb-98ac-d4c3613f2e35

Наставниците ќе имаат можност да остварат контакти и разменат искуства со нивни колеги од целиот свет, да се информираат како полесно и поефективно да ги применуваат новите ИТ технологии во процесот на образование. Како процесот на образование да биде полесен, позабавен и поприемчив за децата, а тие да стекнат знаења кои ќе им помогнат во понатамошниот професионален живот.

Мајкрософт верува дека информатичката технологијата може многу да помогне во процесот на едукација, да го олесни учењето на децата, да им овозможува на студентите и возрасните да се дообразуваат, и да стекнат нови знаења кои ќе ги направи поконкурентни на пaзарот на работната сила. Информатичката технологија треба да биде силна алатка, која ги зголемува потенцијалите на индивидуите и ја поттикнува нивната креативност.

Се одржа денот на Мајкрософт посветен на НВО секторот

Март 20, 2015 во 18:39 ч. | Posted in Uncategorized | Напишете коментар

Денот на Мајкрософт посветен на НВО секторот кој се одржa на 17 март, организиран од страна на Фондацијата Метаморфозис со поддршка на Мајкрософт, им овозможи на претставниците на граѓанскиот сектор да дознаат повеќе за можноста да добијат софтверски донации од програмата на „Microsoft Technology for Good“ за поддршка на граѓанскиот сектор. На овој настан, кој се одржа во хотелот Континентал во Скопје, за прв пат е објавена и можноста за Мајкрософт Office 365 за невладиниот сектор и во Македонија  спроведена од страна на Метаморфозис преку партнерот Теchsoup Balkans.

Преку програмата за софтверски донации Мајкрософт им овозможува на непрофитните организации да добиваат софтверски донации преку Мајкрософт и нивниот партнер TechSoup Global.

DSC_4427

Настанот го отворија генералниот менаџер на Мајкрософт Македонија г. Стефан Плавјански и Филип Стојановски програмскиот директор на Фондацијата Метаморфозис.

DSC_4413

„Свесни сме дека непрофитните организации играат необично важна улога во секоја заедница ширум светот. Ние во Микрософт од секогаш сме ја препознавале важноста на работата на непрофитните организации и верувавме дека може да им помогнеме со тоа што ќе има ја ставиме на располагање нашата најнова технологија.  Така, во рамки на нашите програми за општествена одговорност ние ја креиравме иницијативата Technology for good за да придонесеме кон решавање на комплексните социјални и општествени проблеми. На тој начин, со давање на моќна технологија во рацете на невладините организации, веруваме дека може да ја поттикнеме нивната продуктивност, да ја зголемиме ефективноста, за да можат нивните услуги да станат достапни на што поголеми заедници и индивидуалци кои имаат потреба од нив.  Софтверски донации реализиравме во повеќе од 125 земји во светот во вредност од повеќе од 940 милиони долари во тек на последната година. Во Македонија во последнети две години дониравме повеќе од 800 лиценци на невладини организации во вредност од над 500.000 долари.“, изјави Стефан Плавјански.

“Метаморфозис по втор пат со Мајкрософт го организира Денот за соработка со НВО-секторот како дел од нашите континуирани напори за градење на капацитетите на граѓанските организации, со цел тие да станат поефикасни, подобри и поактивни во исполнување на нивните мисии.  Метаморфозис го помага градењето на капацитетите на НВО преку ширење знаење со помош на обуки и менторства, обезбедување пристап до знаења преку издавачка дејност, а и преку обезбедување пристап до софтвер, при што во рамки на платформата Techsoup Balkans тој пристап е во форма на софтверски донации. Во партнерство со Мајкрософт, Метаморфозис на НВО од Македонија, Косово и Албанија нуди можности за добивање легален софтвер во форма на донации. Платформата овозможува поголема независност на НВО кои може при планирање проекти да бараат и средства за софтверска поддршка, имајќи ги предвид ниските трошоци кои во вакви случаи се минимални и може да опфаќаат плаќање административни трошоци. Како дел од платформата, Метаморфозис овозможува и директни консултации за НВО во рамки на отворените денови (секој втор петок), како и на индивидуално барање, со цел што повеќе организации од Македонија да имаат прилика да ги искористат можностите за донации.“ – изјави Филип Стојановски.

DSC_4395

“Платформата на Оffice 365 сега е достапна и за Невладините Организации во Македонија. Оffice 365 е платформа за комуникација и колаборација и е на располагање како донација за непрофитните и невладините организации. Платформата нуди: онлајн верзија на Office пакетот; простор за складирање и споделување на датотеки; e-пошта, контакти и споделени календари; интранет сајт за тимска соработка; неограничен број на онлајн средби, инстант пораки и HD видео конференции преку Lync; корпоративна социјална мрежа. Ова е нова значајна инвестиција на Мајкрост, да помогне на невладините организации да се фокусираат на реализација на своите општествено корисни мисии, без да водат грижа и да инвестираат во технологија. “- истакна Влора Адеми, Business Development Manager –Education, Microsoft

Дискусијата на твитер за настанот можете да ја погледнете на хаштагот: #msngoMK

Најава: Ден на Мајкрософт посветен на НВО секторот „Бидете иницијатор на промени со Microsoft Office 365 и облак-технологиите“

Март 13, 2015 во 18:59 ч. | Posted in Uncategorized | Напишете коментар

Фондацијата Метаморфозис, заедно со локалната канцеларија на „Microsoft Македонија“, го организираat денот на Microsoft посветен на граѓанскиот сектор – „Бидете иницијатор на промени со Microsoft Office 365 и облак-технологиите“. Настанот ќе се одржи на 17 март, во просториите на хотел „Континентал“, сала „Фонтана“, со почеток од 10 часот.

Настанот ќе им овозможи на претставниците на граѓанскиот сектор да дознаат повеќе за можностите да добијат софтверски донации од програмата „Microsoft Cybergrants“ за поддршка на граѓанскиот сектор. На овој настан ќе се презентира и Microsoft Office 365 што Метаморфозис го нуди во Македонија во соработка со партнерот Теchsoup Balkans. Ќе бидат презентирани облак-технологиите на Microsoft Office 365, како и многу други технологии што придонесуваат во подобрувањето на работата на граѓанските организации.

ngo connection day

Во продолжение следува агенда на настанот:

10:00 – 10:15 Воведни обраќања

г.Стефан Плавјански – Генерален менаџер, „Мајкрософт Македонија“

г.Филип Стојановски – Програмски директор, Фондација „Метаморфозис“

10:15 – 11:00 Како невладините организации можат да имаат корист од новите технологии

  • Вовед и презентација на Microsoft Office 365 и придобивките од примената на облак-технологиите во граѓанскиот сектор – Влора Адеми, Business Development Manager Education, Мајкрософт Македонија.
  • Поширока перспектива врз основа на сопствените искуства во врска со интернет-промоција, учество во глобалните напори од страна на Techsoup и Security in a BoxЕлена Игнатова, Програмски координатор во Фондацијата Метаморфозис
11:00 – 11:15 Кафе-пауза
11:15 – 12:00
  • Предностите и можностите понудени од Мајкрософт-партнерот Techsoup Balkans за невладините организации;
  • Презентација на критериумите за прифатливост на организациите за Office 365 и понудените можности за невладините организации;
  • Како да се аплицира за сајбер-грант – Адријана Селмани, програмски асистент, Фондација „Метаморфозис“
12:00 – 13:00 Пауза за ручек
13:00 – 14:00 Работилница: Технологии за граѓанскиот сектор

Поделба на невладините организации во три работни групи врз основа на нивните потреби

  • Група 1: Процена на потребите за ИТ на невладините организации и како да се добие поддршка од „Метаморфозис“
  • Група 2: Работење во облак – Демо на Office 365 и како да се имплементира – Димитар Грозданов, Senior Technology Advisor, Мајкрософт Македонија
  • Група 3: Како да се аплицира за сајбер-грант преку Techsoup Balkans
  • Резиме: Клучни наоди и клучни активности што ќе следуваат
14:00 – 14:20 Најдобрите практики на невладина организација која успешно го има воведено Office 365
14:20 – 14:40 Заклучоци и клучни резултати од целиот настан

Патните трошоци ќе бидат надоместени за еден претставник од организација, а во висина на повратен автобуски билет.

Хаштаг за настанот е: #msngoMK

За дополнителни прашања и регистрација, пратете ги следниве податоци: име презиме, организација, град, контакт телефон и е-маил за контакт, на следниот е-маил:

adrijana@metamorphosis.org.mk

контакт лице:

Адријана Селмани

Програмски асистент

„Метаморфозис“, Фондација за интернет и општество

www.metamorphosis.org.mk

Адреса:  ул. Апостол Гусларот бр. 40, 1000 Скопје

Тел.: +389 (0)2 3109 325

Рамо до рамо со најдобрите едукатори во светот

Декември 22, 2014 во 11:38 ч. | Posted in Uncategorized | Напишете коментар

Во духот на традицијата, како и секоја година, Мајкрософт ги избра најдобрите иновативни експерт едукатори за претстојната 2015 година. Оваа истакната група брои севкупно 800тини членови, внимателно избрани во повеќе од 100 земји ширум целиот свет.

Да се биде член на оваа фамозна група е едно од најпрестижните светски признанија и затоа со особена чест и задоволство Ве информираме дека на оваа неверојатна група на светски едукатори, оваа година и се приклучуваат и нашите македонски членови:

  • Марија Петреска- ОУ „Христо Узунов“-с. Другово, Кичево линк
  • Марина Василева -ООУ „Св.Кирил и Методиј“-Скопје линк
  • Славица Карбева- ООУ „Петар Поп Арсов“- с.Богомила, Чашка линк
  • Билјана Кумпанијоска- СУГС „Раде Јовчевски-Корчагин“, Скопје линк

Во текот на целата година, овие Експерт едукатори ќе може да очекуваат:

  • Бесплатни Мајкрософт алатки и технологии;
  • Ексклузивна можност за професионален развој;
  • Можност за личен и професионален развој како лидер со учество во индивдуални истражувања, можност за учество како презентер и говорник на разни настани организирани од Мајкрософт, директно учество и можност за развој на ИКТ содржни;
  • Можност да освоите бесплатно патување и посета на Мајкрософт Глобалниот форум за образование во Редмонд, Вашингтон, во април 2015 година.

Од македонските членови, оваа недела Марија Петреска од ОУ „Христо Узунов“ -с. Другово, Кичево имаше можност да се претстави пред 800 Мајкрософт иновативни едукатори со презентирање на интерактивен инфографик. Линкот од презентацијата на видеото Марија Петреска на Јутјуб можете да го проследите во прилогот подолу како и краток опис на проектот Инфографикс.

Браво Марија, продолжи да нижеш само успеси, Мајкрософт ги поддржува иницијативните и авангардни наставници како тебе. Се гордееме со тебе!

Видео од презентацијата:

 

1

Решавање на проблем од секојдневието

Нашето Министерство за Образование неодамна најави еден проект кој се вика Таблет за секој  учeник. И следната година ние конечно ќе ги фрлиме старите хартиени учебници и ќе користиме електронски книги наместо нив. Кога ја споделив оваа информација со моите ученици,првото прашање беше како ќе изгледаат тие електронски учебници?

И навистина, какви ли ќе бидат учебниците по кои ќе работиме догодина? Во една сесија, учениците низ бура на идеи ги споделија своите замисли како би изгледала една совршена книга. И дојдовме на идеја за една бесконечна книга во која се вметнати онлајн табли, OneNote тетратки, аудио и видео записи, граматика и речник, игри и активности. Еден интерактивен инфографик.

И предлогот на учениците беше што не би си направиле сами една наша електронска книга.

2

Учениците како дизајнери на ИКТ продукт

Моите ученици веќе ги оставија старовремските хартиени учебници и креираа една совршена електронска книга која си ја замислија како интерактивен инфографик. Да се креира интерактивен инфографик од бел канвас е напорна работа. Ги искористивме облиците и боите во PowerPoint да направиме дигитална хартија и клипарт и да создадеме приказна. Една група на ученици работи на креирање на позадини и дигитална хартија. Друга пак работи на рачно изработени ликови и изнаоѓање на фонт кој би одговарал во целата приказна.

А трета група работи на изработка на приказна преку комбинирање на сите елементи (позадина, ликови, фонт) и креирање на еден долг инфографик користејќи Фотошоп. Нa крај инфографиците се прикачуваат на една алатка која се вика Thinglink и се поврзуваат со аудио и видео записи, онлајн табли, OneNote тетратки, мисловни мапи, игри и активности кои би ги искористиле на часот. Овие интерактивни инфографици се достапни и на паметните телефони од учениците и таблетите но имаме и компјутерска верзија. Сега учениците можат да учат и патем.

3

Соработка

На учениците им беа зададени задачи според стилот на учење.

Оние ученици кои учат визуелно имаа задача да креираат дигитални позадини, и рачно изработени ликови користејќи ги исклучиво облиците и боите во PowerPoint.

Оние пак кои учат со слушање беа задолжени за креирање аудио записи.

Тактилните учачи пак креираа интерактивни инфографици поврзувајќи ги позадините и ликовите во една интерактивна приказна.

Учениците споделуваат идеи, си даваат меќусебе повратни информации користејќи една Windows 8 апликација Edmodo. Визуелните учачи соработуваат на една иста PowerPoint презентација користејќи One drive и Facebook Docs апликацијата. Тие исто соработуваат и со ученици од цел свет преку Skype in the classroom Аудитивните учачи додаваат подкаст со Windows 8 апликација Soundcloud. И тактилните учачи ги поврзуваат аудио и видео записите со инфографикот со Thinglink.

4

5

Комуникација

Комуникација ученик- ученик

Учениците ја користат Edmodo апликацијата, Facebook групите, Facebook Docs, One drive, и Skype за да комуницираат меѓусебе, за да планираат, и да споделуваат идеи, да предлагаат и гласаат, да избираат концепти, и да ја споделуваат својата работа, да работат на ист документ или презентација, и да си даваат повратни информации еден на друг.

Комуникација наставник- ученик

Јас користев две Windows 8 апликации за комуникација со учениците. Едната е Nearpod која ја искористив за споделување на презентации (има одлична опција да се контролираат сите компјутери, таблети и паметни телефони со вашиот компјутер) но и за квизови чии резултати автоматски се пребројуваат и запишуваат на сметката на ученикот.  Другата е Socrative која ја искористив за квизови и оставање на белешки пред излегување од страна на учениците. Најдобрата карактеристика на оваа апликација се резулататите во живо и извештајот за квизот кој може да се спушти во Excel документ. Овие Windows 8 апликации ми помогнаа да ја отценам работата на учениците, разбирањето на концептите и идејата на која работеле. Учениците често работат кратки квизови и проследуваат презентации на своите паметни телефони и таблети.

Комуникација со публиката

Учениците креираа ФБ странасметка на твитерПинтрест таблаГугл плус страницаЈутјуб канал, Тинглинк страна, час на Скајп Учење преку инфографици,  и веб страна www.infographing.com каде ја споделуваат својата работа и како чекор по чекор се креира еден инфографик со својата публика (тоа се главно наставници и ученици кои ги користат овие материјали на и надвор од часовите). Со споделувањето на проектот со останатите Микрософт Иновативни наставници соработката се прошири низ светот и сега наставници од Аргентина, илипини, Хрватска, Тунис… секојдневно ни праќаат пораки бараат дополнителни инструкции како ова и тие да го направат на нивните часови.

6

7

8

Градење Знаења

Како јас ова би го употребил во секојдневниот живот?

Да се креира еден интерактивен инфографик е инетрдисциплинаран активност. Покрај знаења од Англискиот јазик (сепак сме концентрирани на изучување на англиски преку инфографик) учениците траба да поседуваат вештини во PowerPoint и да имаат големо познавање како тоа се работи со некои Windows 8 апликации како Едмодо, One drive, Facebook Docs, Thinglink, Soundcloud, Nearpod, Socrative за да успешно ги завршат своите задачи.

Со овој проект не само што креиравме интерактивна електронска книга според стилови на учење и фундаментално го трансформиравме процесот на учење туку и изнајдовме решение за еден поглобале проблем како да се заштитат дрвата од уништување.

9

Видео презентација на проектот Инфографикс со користење на Office Mix:

10

 

“Everyone starts somewhere” – Microsoft HourofCode week

Декември 9, 2014 во 20:22 ч. | Posted in Uncategorized | 2 Коментари

1

Почитувани,

По повод на глобалната инцијатива Hourofcode“ (8-12 Декември) преку програмата на Мајкрософт YouthSpark се прави напори да се вклучат и обучат 10 милиони ученици ширум целиот свет, во повеќе од 180 земји во областа на компјутерските вештини. Ова програма ги поддржува младите во создавање и искористување на сите можни ресурси кои ги нудат новите технологии за подобрување на ефикасноста на нивното делување, но и за општествена полза. Програмирањето ќе им помогне на младите во решавањето на проблеми задачи, развој на логика и креативност. Со раниот почеток во програмирањето, учениците ќе имаат основа за успех во било која област во кариерата.

Мајкрософт Македонија со задоволство Ве известува дека активно се вклучува во оваа глобална кампања со неколку настани по овој повод и тоа:

  1. Во среда, 10 Декември, 2014 година во просториите на Скопски саем, организира интерактивна работилница за наставниците од основните училишта кои ќе бидат запознаени и обучени со некои од Мајкрософт алатките во областа на програмирањето како Small Basic, TouchDevelop, Windows App Studio, Project Sienna, Visual studio, Microsoft Virtual Academy и др. Директна примена на алатките со група на ученици и наставници.
  2. Во четврток, 11 Декември, 2014 во просториите на SEE University TechPark, Влора Адеми ќе одржи предавање за присутните на настанот ‘hourofcode’ организирано од страна на Универзитетот на Југоисточна Европа во Тетово.
  3. Петок, 12 Декември во просторите на СУГС „Орце Николов“ исто така ќе се одржи интерактивна работилница каде група на наставници и ученици од средните училишта Орце Николов и Корчагин ќе бидат обучени со дел од Мајкрософт алатките за програмирање. На обуката ќе биде најавено и натпревар за учениците присутни од двата училишта во ова област.

Бенефитите од оваа акција се многубројни. Со оваа акција се планира бројот од 100 обучени наставници преку процесот на десиминација да се зголеми на 2.000 наставници.

Искуствата во учењето ќе бидат поткрепени преку сопствени примери, ќе може да се развие дискусија за тоа кои алатки се најдобри за учениците и нивната возраст. Наставниците ќе имаат можност да креираат сопствени он-лајн презентации, наставни примери, видеа или да го споделат своето знаење и искуство преку вебинари. Сите овие примери ќе бидат достапни на PiL Network на http://www.educatornetwork.com , каде наученото знаење ќе може да се сподели. Идејата на пост-презентација е да се усвојат готови искуства од различни наставници преку веќе научен пример.

„Секој може да кодира“ и „Секој експерт некогаш бил почетник“ е мотото на оваа акција.

Почнете со #HourofCode #YouthSpark денес! Следете не на www.microsoft.com/hourofcode

 

Со почит,

Влора Адеми

Business Development Manager – Education

Microsoft in Education

 

Invitation for “MICROSOFT YOUTHSPARK LIVE EVENT” – This invitation is only for students!!!

Мај 12, 2014 во 14:27 ч. | Posted in Uncategorized | Напишете коментар

logo event macedonia

centeredeng header

Dear all,

Microsoft in collaboration with the Innovation Center within the YouthSpark program have a greatest pleasure to invite you to be part of the greatest and most significant two-day event “MICROSOFT YOUTHSPARK LIVE EVENT” which will be held on 21 and 22 May 2014 at the Hotel TCC Grand Plaza, Skopje (Vero 2,Taftalidze).

The main goal of this event is to promote the MICROSOFT YOUTHSPARK program, whose goal is to help young people in Macedonia by acquiring ICT knowledge and skills realize their full potential. At the event will be presented many opportunities that this program offer to enhance the employment, career and a new (startup) business.

It will be presented solutions and tools for professional development, tools that will facilitate the process of your new own business. You will have the opportunity to be part of the discussions that will be held during the event, you will also have the opportunity for questions to the human resources professionals and successful founders of businesses.

To this aim, this opportunity is offered to all students and young people that:

  • Have a desire to learn which are the skills and abilities needed to create a successful career in the ICT sector.
  • Want to be employed or self-employed by starting their own business.
  • Want to learn about the tools and techniques for creating a successful CV and gain practical guidance for right behavior on a job interview.
  • Have a business idea and want to develop a right business model.
  • Want to gain knowledge on how to reduce the risk when starting new business.

Register here:

http://www.eventbrite.com/e/microsoft-youthspark-live-event-tickets-11476585777

Deadline for registration is 19th May 2014

 Have questions?

Contact person: Adrijana Selmani

E-mail Address: b-adrijs@microsoft.com

 

Additional Recourses:

http://www.microsoft.com/about/corporatecitizenship/en-us/youthspark/youthsparkhub/default.aspx

 

 For more information, please refer to the Agenda attached.

hashtag

Следна страница »

Blog at WordPress.com. | The Pool Theme.
Entries and коментари feeds.

Следи

Get every new post delivered to your Inbox.

Join 662 other followers