Задоволство ни е да ви ја претставиме новата верзија на мрежата Партнери во учењето која што можете да ја погледнете на www.pil-network.com. Нашата мрежа е базирана на темата „Вашата идеја ни е важна“. Ова е заедница за вас, од вас, и во иднина ќе ги афирмира и поттикнува секојдневните работи и успеси кои што ги постигнуваат и остваруваат членовите на мрежата Партнери ви учењето. Имајќи го сето ова предвид, ве покануваме и вие да се вклучите и да ги испробате можностите на овој глобален извор на ресурси и да и се приклучите на заедницата во која ве охрабруваме да ја засилите соработката и да ги раширите идеите кои ги имате, се со цел да го подобриме системот на образование насекаде во светот.

Новата и подобрена мрежа Партнери во учењето претставува следна генерација на глобална мрежа која се става на услуга на наставниците и другите вклучени во образовниот процес од вкупно 115 земји во светот. За да биде уште подостапна и пристапна за иновативните наставници од цел свет, со користење на можностите на Microsoft Translatorм содржините во оваа мрежа се преведени на вкупно 36 светски јазици. Подобрената мрежа на Партнери во учењето им пружа многу предности и погодности на наставниците меѓу кои како поважни ќе ги споменеме:

	Активности за учење креирани од членовите
	Пристап до бесплатни алатки и туторијали
	Пребарување и пронаоѓање на членови од заедницата
	Систем на наградување и признанија во вид на беџови
	Содржини достапни на 36 јазици
	Динамични профили кои лесно се нагодуваат

Дел од корисниците кои ја тестираа новата мрежасе додека беше во т.н. бета фаза изјавија:

„Мрежата Партнери во учењето на на наставниците им нуди пристап до една он лајн заедница во која што има изобилие од корисни продукти за преземање, бесплатни туторијали, активности и дискусии. Навистина ми е мило и возбуден сум што можам со наставници од цел свет да споделувам идеи и ресурси кои потоа можат да ги користат сите наши ученици во, но и надвор од училницата“

„Ова не е само социјален сајт. Ова е „ковчег со богатство“ полн со ресурси, планови за учење, и бесценети содржини за учење креирани од најдобрите во светот“

„Како можност за професионално надградување мрежата Партнери во учењето е нешто најголемо кое нема конкуренција. Колку повеќе наставници и училишта успееме да вклучиме вол неа толку подобри резултати пи придобивки ќе има за сите.“

За да се вклучите и вие посетете ја веб страницата www.pil-network.com каде што:

• Ќе креирате динамичен личен и професионален профил во кој ќе ги вметнете вашиот блог, Facebook и Twitter страници
• Ќе добиете пристап до 30-тина бесплатни алатки, прирачници и видеа за тоа како да ја користите технологијата во рамките на вашата училница
• Ќе ја промовирате својата работа со тоа што ќе поставите ваши наставни планови, активнсоти,
• Ќе го споделите своето искуство со тимот кој стои зад оваа мрежа преку емаил адресата Contact-PILN@microsoft.com .

Уживајте,

Партнери во учењето

Со особена чест и задоволство Ве информираме дека на 27 јануари 2012 година, во организација на Дирекцијата за заштита на личните податоци и Microsoft Македoнија ќе се одржи настанот “Кликни безбедно”. Овој настан воедно претставува и трета кампања за безбедност на децата на интернет на Microsoft Македонија, а шесто одбележување на Европскиот ден за заштита на личните податоци од страна на Дирекцијата за заштита на личните податоци.

Заедничката цел на Microsoft Македонија и Дирекцијата за заштита на личните податоци е подигнувањето на јавната свест за безбедноста на децата на интернет, а истовремено да се зголеми свеста кај наставниците и родителите кога станува збор за заштитата на најмладите на интернет. Интернетот на сите ни нуди безброј можности, креираме свои профили на Facebook, посетуваме други, “симнуваме” музика и филмови, разговараме со пријателите на Skype, MSN, споделуваме фотографии но и други поинтимни работи. Истовремено интернетот може да биде и безмилосен, кога веќе нешто ќе се објави онлајн, доцна е за да кликнеме UNDO! Затоа треба да кликнеме БЕЗБЕДНО.

За одбележувањето на овогодинешниот настан беше распишан поетски и ликовен конкурс насловен КЛИКНИ БЕЗБЕДНО каде право на учество имаа учениците од основните училишта. Најдобрите избрани дела ќе бидат изложени токму на овој настан, веднаш по одржувањето на конференцискиот дел во кој пак ќе бидат презентирани актуелните состојби од областа на интернетот и неговото безбедно користење. И не само тоа. За време на настанот ќе се поделат и сет од едукативни и промотивни содржини наменети за сите присутни во форумот.

Ќе ни биде особена чест и задоволство, доколку и Вие со Вашето присуство дадете придонес во афирмација на сигурната интернет комуникација како основа за заштита на приватноста. За подетални информации Ве молиме разгледајте ја агендата која ја испраќаме во прилог.

Ве очекуваме.

Со почит,

Тимот на Microsoft Македонија и Дирекција за заштита на личните податоци.

Натпреварот  започна на 20.12.2011 а ќе трае до 08.01.2012 до 23:59.

Право на учество имаат сите пријатели на Facebook страната на Микрософт Македонија. а за пријател се смета секој корисник кој има кликнато “Like” / “Ми се допаѓа” на Facebook страната “Микрософт Македонија”.

Она што треба да го направите откако ќе се „спријателите“ со Микрософт Македонија е следното.

Сo користење на апликацијата “Мојот совршен подарок” креирајте ја Вашата фотографија, споделете го линкот до Вашата фотографија со Вашите пријатели и нивните пријатели, и поканете ги да гласаат за Вашата фотографија.
Учеството започнува со клик на копчето “Старт” и испраќање на фотографијата.
Фотографијата мора да е оригинална и корисникот да ги има авторските права за истата.

За фотографијата со најмногу гласови гласови која ги исполнува условите на натпреварот (да има новогодишен мотив и да е оригинална) следува подарок компјутер со оригинален Windows 7 Home Premium.

Па да започнеме! Кликнете на сликата подолу, пристапете до официјална Facebook страна на Микрософт Македонија  и добијте го и вие Вашиот совршен подарок.

Почитувани,

Сојузот за грижи и воспитувања на децата на Македонија во соработка со Дирекцијата за заштита на личните податоци и Микрософт Партнери во Учењето Македонија, спроведува поетски и ликовен конкурс насловен КЛИКНИ БЕЗБЕДНО каде право на учество имаат сите ученици од основните училишта во Македонија, односно сите до 15-годишна возраст.

Поетскиот и ликовен конкурс се распишува по повод одбележувањето на 28-ми јануари – Европски ден за заштита на личните податоци , а темата која гласи „Кликни безбедно“ се однесува на заштитата на приватноста и личните податоци на најмладите на интернет. Интернетот на сите ни нуди безброј можности, креираме свои профили на Facebook, посетуваме други, „симнуваме“ музика и филмови, разговараме со пријателите на skype, MSN, споделуваме фотографии но и други поинтимни работи. Истовремено интернетот може да биде и безмилосен, кога нешто веќе ќе се објави он-лајн, доцна е да кликнете UNDO! Затоа треба да кликнеме БЕЗБЕДНО.

Најважно е детските песни и детските ликовни творби да бидат оригиналнии тоа е единствен критериум за оценување. Но, доколку сакате да ја покажете дополнително својата креативност и да се одвоите од другите ви предлагаме две солуции од Микрософт кои се лесни за користење, а нудат сосема доволно опции.

- Првата е програмата Paint, а наменета е за оние кои ќе испратат ликовни дела. Ја има преинсталирано во секој Windows а со неа можете да цртате слободни лини и форми, да ги боите или пак да вметнувате текст со различни фонтови се со цел да ја пренесете вашата порака. Имате голем избор на четки и предефинирани форми, а доколку ја користите новата верзија која е дел од Windows 7, тогаш опциите се во лента сите на дофат на раката.

- Со втората опција ќе се обидеме да откриеме уште еден ваш талент драги ученици, а тоа е музикалноста. Зошто ако можете, на вашата песничка не и дадете и музичка позадина. Како? Едноставно. Превземете го Microsoft Songsmith од http://research.microsoft.com/en-us/um/redmond/projects/songsmith/download.html и инсталирајте го. Следно изберете нов проект и стил во кој сакате да биде вашата позадинска музика. Со избор на темпото, завршуваат нагодувањата и спремете се за рецитирање, а songsmith ќе ви креира музичка позадина на која можете да и ги менувате и основните делови само со лизгање на лизгачи. На крај снимете и испратете ни ја.

Детските песни, покрај на македонски, можат да бидат пишувани и на друг јазик доколку во училиштето се изведува настава на тој јазик.

Учесници на главната манифестација ќе бидат најдобрите 30 ученици заедно со нивните ментори (15 од ликовна и 15 од поетска област). Дирекцијата за заштита на личните податоци и Микрософт Македонија ќе обезбедат награди, дипломи и благодарници за најдобрите. Главната манифестација ќе се одржи на 27 јануари 2012 година во рамките на одбележувањето на Европскиот ден за заштита на личните податоци за што најдобрите ќе бидат дополнително известени. Творбите пожелно е да се испратат до 31.12.2011 но не подоцна од 10.01.2012 година на следните емаил адреси: info@sgvdm.org.mk и pilmacedonia@live.com

Секоја творба задолжително треба да содржи име и презиме на ученикот, основно училиште, место и ментор. За наставниците ЗАДОЛЖИТЕЛНА е регистрацијата во Мрежата на иновативни наставници – Партнери во учењето. Кратко упатство како да го направите тоа имате тука.

Поканата е упатена до сите ученици од основните училишта ширум Републиката.

Со почит,

Сојуз за грижи и воспитувања на децата на Македонија,

Програма „Партнери во учењето“Микрософт Македонија и

Дирекцијата за заштита на личните податоци

Почитувани наставници,

Ни претставува огромна чест и задоволство и по ТРЕТ ПАТ да ве поканиме на овогодинешниот државен натпревар Микрософт форум на иновативни наставници, организиран од прoграмата на Микрософт „Партнери во учењето“. Темата на овогодинешниот натпревар е „Подобрување на процесот на учење и предавање со ефективно користење на технологијата во училницата и надвор од неа.“

Овој трет по ред Форум на иновативни наставници, како и претходните два има за цел да ги охрабри наставниците да воведуваат нови пристапи и проактивно да ги користат новите технологии во образовниот процес со што на учениците полесно и „поприродно“ ќе им ги наметнат истите и ќе ги оспособат да работат со нив. Право на учество имаат сите наставници од сите училишта од Р. Македонија, сами или во тим од неколку (што ги охрабруваме бидејќи токму соработката е една од целите кои сакаме да ги постигнеме со овие натпревари). Победникот ќе ја претставува Македонија на Европскиот форум на иновативни наставници кој оваа година ќе се одржи во периодот 21-23 март 2012 година во Лисабон, Португалија.

Вашиот проект пред се треба да биде иновативен и оригинален и да може да се опише најмалку со една од овие карактеристики:

• Учење надвор од училница
• Напредна употреба на Microsoft апликациите и алатките
• Колаборација помеѓу сите вклучени во проектот и надворешни лица
• Градење бази на знаења и критичко размислување

Вие слободно комбинирајте или применете ги сите овие насоки, но не ограничувајте се. Иновацијата е тоа што е пресудно!

Форумот на иновативни наставници иако се одржува само по трет пат сепак за ова кратко време успеа да го презентира најдоброто од нашите наставници и тоа во светки рамки. Проектот „Бабини игри“ кој беше победник на минатогодишниот локален натпревар најпрвин како наш претставник замина во Москва на Европскиот форум на иновативни наставници и од таму се закити со вредна награда доделена од страна на колегите или Educators choice. Со тоа овој проект и нашите наставници се квалификуваа на Глобалниот форум на иновативни наставници кој во ноември се одржа во Вашингтон, САД. Наградата и тука беше потврдена но сега во светски рамки, повторно доделена и од жирито и од колегите – второ место во свет според изборот на наставниците и судиите!

На овој линк ќе најдете избор од неколку други проекти во VCT формат кои што ги избравме како пример кои можат да ви дадат претстава за тоа какви проекти победиле на минатогодинешниот натпревар, а за да ги погледнете сите посетете ја официјаланата страна на мрежата партнерти во учењето http://www.partnersinlearningnetwork.com , пријавете се преку опцијата Sign In со вашата Live корисничка сметка и со помош на алатките за пребарување под Community побарајте ги листите на победници на европскиот и глобалниот форум, како на пример European Forum Moscow . Oткога ке се појави тој фолдер проектите пребарувајте ги под делот на VCT upload.

Сега е вашиот ред да добиете шанса да го повторите, па и надминете успехот на вашите колеги, и затоа следете ги овие неколку чекори во продолжение:

1. Зачленување во мрежата „Партнери во учењето“

Како и за учество на сите проекти во организација на Микрософт Македонија и програмата „Партнери во учењето“, најпрвин ЗАДОЛЖИТЕЛНО треба да се зачлените во Мрежата на иновативни наставници – http://pilmacedonia.wordpress.com/ Сите проекти кои се пристигнати од наставници кои што не се дел од оваа мрежа, за жал, нема да бидат земени предвид. Зачленувањето е многу едноставно, а подетални инструкции ке најдете овде.

2. Пројавување на интерес

Откако се зачленивте или пак веќе сте членови тогаш продолжуваме понатаму. Следно ќе треба да ја пополните формата за поднесување пријава која се наоѓа овде. Рокот на поднесување на оваа пријава заедно со VCT образецот (види подолу) е 20 февруари 2012 година.

3. Поднесување на проектот

Поднесувањето на проектот започнува со преземање на VCT (Virtual Classroom Tour) образецот кој е изработен во Power Point и е многу едноставен за користење (превземи тука). Самиот е дизајниран така да ви помогне брзо и едноставно да го опиишете вашиот проект и фазите на негово дизајнирање, чекор по чекор.

Следно е неговото поднесување, на емаил адресата pilmacedonia@live.com , заедно со сите дополнителни материјали и тоа најдоцна до 20 февруари 2012 година.

И тоа е се што треба да направите. Се надеваме дека успехот на Вашите колеги од минатата година ќе ви даде поттик да се ангажирате и да изработите уште подобри проекти и гордо да ја преставувате Македонија на следниот Европски, па и Светски форум на иновативни наставници.

Со почит,

М-р Влора Адеми

Раководител на академската програма

Микрософт