Партнери во учењето

Трет Мајкрософт Иновативен Форум на Наставници

Февруари 29, 2012 во 23:41 ч. | Posted in Uncategorized | Напишете коментар

Почитувани,

Ни претставува огромна чест и задоволство по ТРЕТ ПАТ да Ве поканиме на овогодинешниот државен натпревар Микрософт форум на иновативни наставници, организиран од прoграмата на Микрософт „Партнери во учењето“ на 5 март 2012. Мајкрософт Форум за наставници е национален, европски и светски најпознат натпревар кој што им дава можност на најдобрите наставници да ги практикуваат елементите за учење од 21-от век и притоа да ги вклучат стекнатите вештини во подобрување на рпоцесот на учењето со употреба на иновативна технологија. Темата на овогодинешниот натпревар е „Подобрување на процесот на учење и предавање со ефективно користење на технологијата во училницата и надвор од неа.“

Ќе ни претставува задоволство  да ве поканиме да бидете наш гостин на настанот кој ќе се одржи на 5 март 2012 г., во Бизнис Центар -Скопски Саем, со почеток во 10.00 часот каде ќе се доделат наградите за најуспешните проекти. Во меѓувреме ќе имате можност да ги разгледате изложените проекти на наставниците и нивната значајна работа во нашата држава.

Првонаградениот наставник  ќе ја претставува Република Македонија на Европскиот Мајкрософт Иновативен Форум за наставници, кој ќе се одржи во Лисабон, Португалија во 19 -23 Март 2012 г. Проектите кои ќе добијат второ и трето место ќе бидат  наградени од страна на Мајкрософт. Учесниците во натпреварот ќе имаат можност меѓусебно да гласат и изберат најдобар проект кој што исто така ќе биде награден.

Важно за натпреварувачите – поради ограниченост на просторот ве молиме да присуствуваат само наставникот-носител на проектот и максимум двајца наставници-соработници без присутство на ученици.

Ве молиме да го потврдите своето присуство  најдоцна до 02.03.2012, на тел.02/ 3067 989 или на мејл адресата: v-bogeo@microsoft.com контакт лице Бојана Георгиевска тел.072 /581 050.

За подетални информации Ве молиме разгледајте ја агендата која ја испраќаме во прилог.

Ајде заедно да го прославиме достигнувањето на иновативните наставници и училишните лидери.

Со почит,

Тимот на Мајкрософт

Нова верзија на мрежата Партнери во учењето

Февруари 8, 2012 во 21:48 ч. | Posted in Uncategorized | Напишете коментар

Почитувани членови на мрежата Партнери во учењето,

Задоволство ни е да ви ја претставиме новата верзија на мрежата Партнери во учењето која што можете да ја погледнете на www.pil-network.com. Нашата мрежа е базирана на темата „Вашата идеја ни е важна“. Ова е заедница за вас, од вас, и во иднина ќе ги афирмира и поттикнува секојдневните работи и успеси кои што ги постигнуваат и остваруваат членовите на мрежата Партнери ви учењето. Имајќи го сето ова предвид, ве покануваме и вие да се вклучите и да ги испробате можностите на овој глобален извор на ресурси и да и се приклучите на заедницата во која ве охрабруваме да ја засилите соработката и да ги раширите идеите кои ги имате, се со цел да го подобриме системот на образование насекаде во светот.

Новата и подобрена мрежа Партнери во учењето претставува следна генерација на глобална мрежа која се става на услуга на наставниците и другите вклучени во образовниот процес од вкупно 115 земји во светот. За да биде уште подостапна и пристапна за иновативните наставници од цел свет, со користење на можностите на Microsoft Translatorм содржините во оваа мрежа се преведени на вкупно 36 светски јазици. Подобрената мрежа на Партнери во учењето им пружа многу предности и погодности на наставниците меѓу кои како поважни ќе ги споменеме:

	Активности за учење креирани од членовите
	Пристап до бесплатни алатки и туторијали
	Пребарување и пронаоѓање на членови од заедницата
	Систем на наградување и признанија во вид на беџови
	Содржини достапни на 36 јазици
	Динамични профили кои лесно се нагодуваат

Дел од корисниците кои ја тестираа новата мрежасе додека беше во т.н. бета фаза изјавија:

„Мрежата Партнери во учењето на на наставниците им нуди пристап до една он лајн заедница во која што има изобилие од корисни продукти за преземање, бесплатни туторијали, активности и дискусии. Навистина ми е мило и возбуден сум што можам со наставници од цел свет да споделувам идеи и ресурси кои потоа можат да ги користат сите наши ученици во, но и надвор од училницата“

„Ова не е само социјален сајт. Ова е „ковчег со богатство“ полн со ресурси, планови за учење, и бесценети содржини за учење креирани од најдобрите во светот“

„Како можност за професионално надградување мрежата Партнери во учењето е нешто најголемо кое нема конкуренција. Колку повеќе наставници и училишта успееме да вклучиме вол неа толку подобри резултати пи придобивки ќе има за сите.“

За да се вклучите и вие посетете ја веб страницата www.pil-network.com каде што:

• Ќе креирате динамичен личен и професионален профил во кој ќе ги вметнете вашиот блог, Facebook и Twitter страници
• Ќе добиете пристап до 30-тина бесплатни алатки, прирачници и видеа за тоа како да ја користите технологијата во рамките на вашата училница
• Ќе ја промовирате својата работа со тоа што ќе поставите ваши наставни планови, активнсоти,
• Ќе го споделите своето искуство со тимот кој стои зад оваа мрежа преку емаил адресата Contact-PILN@microsoft.com .

Уживајте,

Партнери во учењето